显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

@_Kim_TANG

Plz find me on weibo, Instagram & fb

 
 
 
 
 
 
 
 
模块内容加载中...
 
 
 
 
 

Kim's Shop

 
 
模块内容加载中...
 
 
 
 
 
 
 

广东省 广州市

 发消息  写留言

 
Local Cantonese & food digger in deep love with traditional Cantonese language & Canton city. btw, I'm 老廣州 BATMAN!! Plz find「@_Kim_TANG」on sina weibo & Instagram, also「@Kim Tang」on Facebook
 
博客等级加载中...
今日访问加载中...
总访问量加载中...
最后登录加载中...
 
 
 
 
 

微博

 
 
模块内容加载中...
 
 
 
 
 
 
 
 

【港飲港食】粉嶺——群記豬手面

2013-7-23 13:25:38 阅读235 评论0 232013/07 July23

自從知道有哩間嘢,以後去粉嶺就點都要去“探下班”!豬手面勁出名!平時食豬手,好多時都系得層皮,而群記嘅豬手,非常之啖啖肉!又大大舊!唔系得層皮!且同其他地方嘅南乳豬手唔同,哩度啲豬手系用湯烚的!肉質鮮甜,夠肉味!!雖然天時暑熱冇冷氣,但系第二日我都系忍唔住專程再搭多次火車去粉嶺嗌咗個凈豬手!再整多支cream soda!無得彈!

同桌有個阿伯,仲勁過我,竟然一條友搞掂兩大碗凈豬手!你冇睇錯!系兩!大!碗!凈!豬!手!

Kim: 「阿伯!你自己搞掂兩碗豬手!?得唔得咖?」

阿伯:「兩碗咋嘛!舊時我嚟四碗咖!我唸你都未出世啦!」

Kim: 「咁你唔驚滯咖?」

阿伯:「唔會嘅!一個月先食一次!如果餐餐食乜都滯啦!」

另外哩度啲辣椒醬系亮點!味香而唔辛辣!同豬手簡直絕配!!但天氣咁熱我又驚上火,阿伯見我對住嗰碟辣椒醬好無奈又嚟“窒”下我。。。

阿伯:「咁後生連一碟仔辣椒醬都搞唔掂啊?」

Kim:「太熱啦!哩度又冇冷氣,頂唔順啊!」

阿伯:「哩啲辣椒醬先正啊!夠香啊!唔辣咖!包你食過番尋味啊!」

Kim:「好啦,等我又試下先!」

嘩!點知又真系食開有條癮啵!搞到連吞三碟!真系越食越和味!!!!

話說哩個價目表,我睇咗好耐都唔明,最尾都系多得阿伯提點。。。

作者  | 2013-7-23 13:25:38 | 阅读(235) |评论(0) | 阅读全文>>

【港飲港食】深井——裕記

2013-7-7 10:57:14 阅读136 评论2 72013/07 July7

深井村路裕記!

入到深井實在太多打住正宗深井燒鵝名堂嘅飯店,於是Kim系條街度做咗半粒鐘research,不斷問當地路人邊間最正,最終搵到收埋系角落頭嘅裕記!夥計認真搞嘢!而燒鵝的確非常之啖啖肉!皮脆肉嫩!但比較膩,容易食滯,相比之下仍然無法取締鏞記系Kim心目中嘅地位!

作者  | 2013-7-7 10:57:14 | 阅读(136) |评论(2) | 阅读全文>>

【港飲港食】旺角——發記甜品

2013-7-7 10:56:04 阅读133 评论2 72013/07 July7

位於旺角豉油街發記甜品!

甜品店無非都系嗰幾味,嗌咗個楊枝甘露 & 栗子西米露!的確唔錯!其實Kim覺得香港地好多甜品店都要比開到四圍都系嘅 mun5 gei3 要好,各位不妨多啲去發掘,好有可能發現新大陸!

作者  | 2013-7-7 10:56:04 | 阅读(133) |评论(2) | 阅读全文>>

【港飲港食】尖沙咀——好時沙嗲

2013-7-7 10:52:39 阅读83 评论1 72013/07 July7

位於尖沙咀麼地道好時中心嘅好時沙嗲!

主打海南雞飯!油飯干身夠油香!而系香港食雞就唔使講了,主要系Kim另外嗌咗一份椰汁飯(同白飯一樣,冇影相),椰香濃郁!建議可以嗌一個凈食再嗌一個椰汁飯。咖喱做得都唔錯!Kim一直覺得香港嘅咖喱比廣州嘅好食~

作者  | 2013-7-7 10:52:39 | 阅读(83) |评论(1) | 阅读全文>>

【港飲港食】長洲——甘永泰魚蛋

2013-7-7 10:51:27 阅读96 评论2 72013/07 July7

位於長洲島嘅甘永泰魚蛋!

睇條龍就知道有幾咁受歡迎!哩度招牌嘢系每日新鮮製造純門鱔魚蛋及魚片!魚蛋嘅最高境界無非系要做到爽口彈牙!中意食魚蛋嘅各位為食貓嚟長洲玩嗰陣不妨嚟哩度試一試!

作者  | 2013-7-7 10:51:27 | 阅读(96) |评论(2) | 阅读全文>>

【港飲港食】中環——STARBUCKS

2013-7-7 10:50:11 阅读136 评论2 72013/07 July7

位於中環都爹利街星巴克冰室,香港唯一以冰室主題嘅STARBUCKS!

店內佈置完全冰室style!各種舊時海報、風扇、電視機、台台凳凳,旁邊仲陳列各種冰室角落嘅特色物品,亦有介紹香港懷舊冰室由來。P.S. 店內統一懷舊風,請以櫃檯menu爲準,玻璃臺下嘅menu純屬擺設!小心賴嘢!

作者  | 2013-7-7 10:50:11 | 阅读(136) |评论(2) | 阅读全文>>

【港飲港食】北角——鳳城酒家

2013-7-7 10:48:45 阅读75 评论2 72013/07 July7

位於北角渣華道嘅鳳城酒家!

雖然已經嚟過N次!但每次必點蝦多士 & 蓮蓉西米布丁!聽講舊時鳳城啲夥計想用番“鳳城”個名另起爐灶,老細好好人應承咗,所以哩家分店較多,但又意味住品質下降,唯獨北角哩間仍然用品質留住味道,留住熟客,識食之人必定知道!

作者  | 2013-7-7 10:48:45 | 阅读(75) |评论(2) | 阅读全文>>

【港飲港食】中環——蓮香樓

2013-7-7 10:47:32 阅读126 评论5 72013/07 July7

位於中環威靈頓街蓮香樓!

Kim嚟哩度不求點心出品高品質,只求可以好似以前咁去推車仔度攞點心。系香港蓮香可以睇到好多系廣州逐漸消失或已經消失嘅情景同味道,雖然同桌嘅茶客互不相識,但地方逼夾「讀gip6」,間接造就茶客吹水曬命好機會。點心車各種“口水花噴噴”,認真重口味懷舊!

作者  | 2013-7-7 10:47:32 | 阅读(126) |评论(5) | 阅读全文>>

【港飲港食】上環——九記牛腩

2013-7-7 10:46:19 阅读124 评论3 72013/07 July7

位於上環歌賦街九記牛腩!

嚟咗碗最簡單實在嘅清湯牛腩河!牛腩唔肥膩,味香易入口!雖然系細細一碗,但勝在出品唔錯!Kim發覺廣州牛腩喜歡大舊腩汁濃,香港則好清湯薄切片,你覺得咧?P.S. 九記一般中午12點先開市,早去未開門,遲去排長龍!!!

作者  | 2013-7-7 10:46:19 | 阅读(124) |评论(3) | 阅读全文>>

【港飲港食】銅鑼灣——池記

2013-7-7 10:45:06 阅读120 评论2 72013/07 July7

位於銅鑼灣波斯富街池記!

嚟哩度只為食最出名嘅游水海蝦雲吞湯麵!咬落確實比較彈牙,想像下啲海蝦仔冒住深海各種生命危險搏命游啊游,就為咗畀我哋撈起身攞嚟做彈牙雲吞,勇氣可嘉!所以,盛惠HK$48/碗。P.S.份量可參考麥奀記,只求細細品嘗,不求填肚食飽。

作者  | 2013-7-7 10:45:06 | 阅读(120) |评论(2) | 阅读全文>>

【港飲港食】長洲——張記魚蛋

2013-7-7 10:43:35 阅读150 评论0 72013/07 July7

位於長洲島海傍道張記魚蛋!

好出名!炸魚皮好鬆脆!招牌魚蛋彈牙!Kim留意到菜牌寫住一個叫#魚片頭#嘅嘢(右上圖),一位坐對面嘅熱情本地人告知,魚片頭即平時食嘅炸魚條嘅一頭一尾,由於每條炸魚條只有兩片,肉質彈牙香口,有個別食客會專門點以魚片頭為主嘅片頭河,價格稍貴。

作者  | 2013-7-7 10:43:35 | 阅读(150) |评论(0) | 阅读全文>>

【港飲港食】油麻地——美都餐室

2013-7-7 10:42:15 阅读188 评论2 72013/07 July7

位於油麻地廟街63號美都餐室!

非常有歷史嘅一間香港老牌餐室!除咗佢出噻名嘅菠蘿油西多士&鴛鴦etc.之外,有冇覺得望落好眼熟?冇錯!就系TVB!以前TVB好中意嚟哩度攞景,綠色百葉窗系哩間餐室一大懷舊特色!細細品味仲會發現好多舊時嘅味道!懷舊尋寶!

作者  | 2013-7-7 10:42:15 | 阅读(188) |评论(2) | 阅读全文>>

【港飲港食】尖沙咀——HEROCROSS CAFE

2013-7-7 10:40:55 阅读115 评论0 72013/07 July7

尖沙咀重慶大廈旁Woodhouse地庫HEROCROSS CAFE!

每半年換一次主題,今年由於The Dark Knight Rises上畫而特別策劃嘅BATMAN主題CAFE!裏面唔止有各種BATcake, sandwich & coffee令蝙蝠迷大飽口福,更令人尖叫嘅系兩個1:1蝙蝠俠全身像 & 各種珍貴原版模型展覽品!!真系O噻嘴有咁耐“哇”咁耐!!

圖為Blueberry New York Cheese Cake, Batpuccino & Bat Chocolate.

作者  | 2013-7-7 10:40:55 | 阅读(115) |评论(0) | 阅读全文>>

【港飲港食】中環——鏞記

2013-7-7 10:38:31 阅读122 评论2 72013/07 July7

再次嚟到位於中環威靈頓街嘅鏞記燒鵝!

實在好掛住佢甘香嘅脆皮!香滑嘅肉質!唔膩嘅“不飽和脂肪”!加上特色前菜紅姜伴皮蛋,簡直可以見幾次上帝了!OMG!OMG!OMG!汁唔系出邊燒臘店用嘅燒鵝肉汁,而系黃豆汁!所以入口絕對唔膩!燒鵝絕配酸梅醬,“傑蹋蹋”!無得彈!

作者  | 2013-7-7 10:38:31 | 阅读(122) |评论(2) | 阅读全文>>

【港飲港食】中環——翠華

2013-7-7 10:37:13 阅读144 评论0 72013/07 July7

“魚蛋稱霸,咖喱稱皇”! 再次嚟到位於中環威靈頓街嘅翠華餐廳!

叫咗一份Kim最愛嘅咖喱雞飯!實在太愛啦!每次嚟香港都要食!因為D咖喱夠噻“傑蹋蹋”!雞肉大大舊! 同系內地食嗰D完全唔同feel囖!攞D咖喱嚟撈飯,每一啖都系享受啊!!

作者  | 2013-7-7 10:37:13 | 阅读(144) |评论(0) | 阅读全文>>

查看所有日志>>

 
 
 
 
 
 
 
 
 
 
 
 
 
 
 

页脚

网易公司版权所有 ©1997-2017

注册 登录  
 加关注